حڪومت سنڌ هميشه عورتن جا مسئلا حل ڪرڻ جي ڪوشش ڪئي آهي: شرجيل

لاڳاپيل خبرون

آءِ ايم ايف پراپرٽي خريداري ٽيڪس ٻه سيڪڙو گهٽ ڪرڻ تي راضي،وڪرو ڪندڙن تي ود هولڊنگ ٽيڪس شرح برقرار

ايندڙ نسلن جي بقا لاءِ پاڻي جو ذميواري سان استعمال ڪرڻو پوندو: مريم نواز

گڏيل قومن موجب پاڪستان ايندڙ سال خشڪ سالي جو شڪار ٿيندو: شيري رحمان

ڪراچي(سنڌ جي سينيئر وزير شرجيل انعام ميمڻ چيو آهي ته پاڪستان پيپلز پارٽي هميشه عورتن کي بااختيار بڻائڻ لاءِ ڪم ڪيو آهي. حڪومت سنڌ پاران ٻوڏ متاثرن لاءِ گهرن جي تعمير جو منصوبو شروع ڪيو ويو، جنهن جا مالڪاڻا حق پڻ عورتن کي ڏنا ويا آهن. حڪومت سنڌ ۽ ان جي مڪمل مشينري ڪوشش ڪندي ته عورتن جي قومي والي بال ٽورنامنٽ کي وڌ ۾ وڌ پذيرائي ملي. قومي والي بال ٽورنامنٽ جي لانچنگ واري اعلان جي تقريب ۾ خطاب ڪندي، سنڌ جي سينيئر وزير ۽ اطلاعات، ٽرانسپورٽ ۽ ماس ٽرانزٽ جي صوبائي وزير شرجيل انعام ميمڻ چيو ته اسان چاهيون ٿا ته عورتن لاءِ اهڙا ايونٽس ٿين، انهن جي پذيرائي ٿيڻ گهرجي ته جيئن اهڙن ايونٽس کي ڏسي باقي ڇوڪرين جي پڻ حوصلا افزائي ٿي سگهي. هن چيو ته شاگرد ۽ نوجوان قوم جو مستقبل آهن، اسان کي پنهنجي نئين نسل کي مثبت شيون ڏيڻيون آهن. عورتن لاءِ قومي والي بال ٽورنامنٽ ڪرائيندڙن کي مبارڪباد پيش ڪيان ٿو. حڪومت سنڌ اهڙين سرگرمين جي حوصلا افزائي ڪندي. سينيئر وزير شرجيل انعام ميمڻ چيو ته عورتن جي ترقي ۽ انهن کي بااختيار بڻائڻ پيپلز پارٽي جي پهرين ترجيح رهي آهي. حڪومت سنڌ هميشه عورتن جا مسئلا حل ڪرڻ جي ڪوشش ڪئي آهي. هڪ سوال جي جواب ۾ شرجيل انعام ميمڻ چيو ته اسان وٽ بهترين روايتون هلنديون پيون اچن. ان کان اڳ حڪومت سنڌ عورتن جي هاڪي کي هٿي وٺرائي، اسان چاهيون ٿا ته پنهنجي ٻارن کي سهولتون فراهم ڪريون ته جيئن اهي دنيا ۾ پاڪستان جو نالو روشن ڪري سگهن. هن چيو ته اسان جي ڪوشش هوندي ته ايونٽ دوران عورتن کي اسٽيڊيم ڏنو وڃي. اڪيڊمي سان گڏوگڏ حڪومت به اهڙن ايونٽس کي اسپانسر ڪري ته جيئن عورتن جي حوصلا افزائي ٿي سگهي. اڄ جتي 60 ٽيمون ٽورنامنٽ ۾ حصو وٺي رهيون آهن، اسان چاهيون ٿا ته ايندڙ سال ان ۾ 120 ٽيمون حصو وٺن.