DailyWaka Sindhi News Papers
لاڳاپيل خبرون
پشاور: (ويب ڊيسڪ) خيبرپختونخواهه جي وڏي وزير علي امين گنڊاپور چيو آهي ته پي ٽي آءِ باني عمران خان کي آزاد ڪيو وڃي ۽ اسان جو مينڊيٽ اسان کي واپس ڪيو وڃي.خيبرپختونخواهه جي وڏي علي امين گنڊاپور خطاب ڪندي چيو ته صوبائي حڪومت امن امان بهتر بنائڻ جي لاءِ قدم کڻي رهي آهي، دهشتگردي جي خلاف سيڪيورٽي فورسز ۽ عوام قرباني ڏئي رهي آهي.خيبرپختونخواهه جي وڏي وزير علي امين گنڊاپور خطاب ڪندي چيو ته صوبائي حڪومت امن امان بهتر بنائڻ جي لاءِ قدم کڻي رهي آهي ۽ دهشتگردي جي خلاف سيڪيورٽي فورسز ۽ عوام به قربانيون ڏئي رهي آهي. هن چيو ته امن امان جي لاءِ پوليس فرنٽ لائين جو ڪردار ادا ڪري رهي آهي دهشتگردي جي خلاف وڙهي رهيا آهيون ۽ قربانيون به ڏئي رهيا آهيون.علي امين گنڊاپور دعويٰ ڪئي ته خيبرپختونخواهه حڪومت جي ڪارڪردگي ٻين صوبن کان ڪافي بهتر آهي، خيبرپختونخواهه عالمي مالياتي اداري(آءِ ايم ايف) جو ٽارگيٽ پورو ڪندڙ واحد صوبو آهي.هن چيو ته وفاقي حڪومت ڪافي معاملن تي مسئلا پيدا ڪري ڇڏيا آهن، اسان خيرات نه پيا گهرون اسان کي پنهنجا پئسا به نه پيا ڏنا وڃن. وڏي وزير چيو ته خيبرپختونخواهه ۾ 44 سيڪڙو روينيو وڌايو آهي ۽ صوبي ۾ ڪم به ٿيو آهي جنهن سان روينيو ۾ اضافو ٿيو آهي، ترقياتي اسڪيمن جي لاءِ جيترا پئسا 6 مهينن ۾ ڏنا ايترا ڪڏهن به هڪ سال ۾ نه ڏنا ويا آهن. هن چيو ته دهشتگردن تي ڪنٽرول ڪري وٺنداسين، پي ٽي آءِ باني کي آزاد ڪيو وڃي ۽ اسان جو مينڊيٽ به اسان کي واپس ڪيو وڃي.ٻئي پاسي ڪي پي ڪي جي اطلاعات واري صلاحڪار بيرسٽر سيف چيو آهي ته شهباز شريف کي هٽائڻ ۽ بلاول کي آڻڻ جي لاءِ ايوان صدر ۾ ڳجهيون ملاقاتون ڪيون پيون وڃن. هن چيو ته بلاول ڀٽو زرداري شيرواني پائڻ جي لاءِ سموريون ڪوششون ڪري رهيو آهي. پيءُ پٽ ٻئي وزيراعظم جي ڪرسي لاءِ سرگرم آهن. آصف زرداري پنهنجي پٽ کي وزيراعظم بنائڻ جي ڳجهي مشن ۾ مصروف آهي.
