DailyWaka Sindhi News Papers
لاڳاپيل خبرون
ڪماليه: (ويب ڊيسڪ) ناڻي واري وفاقي وزير محمد اورنگزيب چيو آهي ته ملڪ جا مسئلا وڌيڪ آهن، اسان وٽ جادو جي لٽ ناهي جو سمورن معاملن ۾ تڪڙو بهتري اچي وڃي.ناڻي واري وزير محمد اورنگزيب صحافين سان ڳالهيون ڪندي چيو ته ڪنهن جي سهاري تي نه پاڻ ترقي ڪري اڳيان آيا آهيون، اسان اسلام آباد ۾ دربار لڳائي نه ويهنداسين، اسان بجيٽ تجويزون وٺڻ جي لاءِ ماڻهن وٽ وينداسين ماڻهو بجيٽ جي ڏينهن ۾ اسلام آباد ۾ اچي ويهي رهندا آهن جيڪو غلط آهي.هن چيو ته اسان صرف ڳالهيون نه ڪندا آهيون ڪري ڏيکاريندا آهيون، وياج جي شرح جيئن جيئن گهٽ ٿيندي ڪاروباري ماڻهن جي لاءِ ڀلو ٿيندو، وياج جي شرح گهٽ ٿيندي ته اسان بهتري طرف وينداسين. 2025 ۾ اسان ملڪي معيشت کي کڻي وڌيڪ بهتري طرف وينداسين، وياج جي شرح گهٽ ٿي سنگل ڊيجٽ طرف ويندي.سينيٽر محمد اورنگزيب چيو ته مسئلا وڌيڪ آهن، جادو جي لٺ ناهي جو سڀ ڪجهه تڪڙو صحيح ٿي وڃي. معاشي اصلاحات جي لاءِ سمورن اسٽيڪ هولڊرز کان تجويزون وٺي رهيا آهيون، اسان کي پائيدار معاشي استحڪام جي طرف وڌڻو آهي، ملڪ جي خاطر سڀ گڏ ٿينداسين ملڪ جي خاطر چارٽر آف اڪانومي سميت ٽن چئن شين تي گڏ ٿي وڃو.هن چيو ته ٻن ٽن هفتن کان مختلف شهرن جا دورا ڪري رهيو آهيان، واپارين کان تجويزون وٺڻ جي لاءِ پاڻ انهن وٽ اچي رهيو آهيان، خيرات سان ملڪ ناهن هلندا، خيرات سان تعليمي ادارا ۽ اسپتالون نٿيون هلي سگهن. خساري وارن ادارن کي اڳيان ڪيئن کڻي وڃڻو آهي انهي جي باري ۾ پاليسي ٺاهي رهيا آهيون، جيڪي ادارا خساري ۾ آهن انهن کي بند ٿيڻ گهرجي، خساري وارن ادارن کي پرائيويٽ سيڪٽر جي حوالي ڪرڻ گهرجي.وفاق وزير چيو ته اسان وٽ سموري ڊيٽا موجود آهي ته ماڻهن وٽ ڇا آهي، هر شيءَ اسان جي نوٽيس ۾ ايندي پئي وڃي، سمورين شين کي ٽيڪس ۾ آڻڻو پوندو، ڪوشش آهي ته ٽيڪس ڏيندڙن تي وڌيڪ بار نه پوي. ٽيڪس چوري کي به ختم ڪري رهيا آهيون. سڀني کي ٽيڪس ڏيڻو پوندو. هن چيو ته ماڻهو چون ٿا ته اسان جو ٽيڪس جو ادارو ڪرپٽ آهي، اسان مڃون ٿا پر اسان بهتري لاءِ قدم کڻي رهيا آهيون.هن چيو ته زراعت ۽ آءِ ٽي اسان جي هٿ ۾ آهي، انهي مان ترقي ڪري سگهون ٿا، زراعت جي بهتري لاءِ به انقلابي قدم کڻي رهيا آهيون. بجلي جي قيمتن کي به گهٽ ڪنداسين، ملڪ جي بهتري لاءِ پرائيويٽ سيڪيٽر کي به شامل ڪري رهيا آهيون.
