سعودي کانپوءِ ڪجهه ٻيا ملڪ به اسرائيل کي تسليم ڪندا: ايلي ڪوهن

لاڳاپيل خبرون

آمريڪي سينيٽر ۽ سندس گهر واري تي رشوت وٺڻ جي الزام هيٺ فرد جرم لاڳو

نيويارڪ(ويب ڊيسڪ)اسرائيلي پرڏيهي وزير ايلي ڪوهن انڪشاف ڪيو آهي ته سعودي عرب پاران اسرائيل کي تسليم ڪرڻ سان 6 کان ست مسلمان ملڪ به اسرائيل کي تسليم ڪندا.پنهنجي هڪ انٽرويو ۾ اسرائيلي پرڏيهي وزير ان ڳالهه تي زور ڏنو ته سعودي عرب کانپوءِ جيڪي ڇهه يا ست ملڪ اسرائيل سان لاڳاپا قائم ڪندا اهي ايشيا ۽ آفريڪا جا هوندا.ايلي ڪوهن چيو ته اهو تمام ضروري آهي ته اسرائيلي وزيراعظم بينجمن نيتن ياهو چيو ته سعودي عرب سان امن جو مطلب مسلم دنيا ۽ يهودين وچ ۾ امن آهي.ايلي ڪوهن چيو ته هن ڪيترن ئي مسلمان ملڪن جي آفيسرن سان ملاقات ڪئي آهي جن ملڪن جا اسرائيل سان باضابطه لاڳاپا ناهن.ڪوهن گذريل مهيني انڪشاف ڪيو هو ته هن ليبيا جي پرڏيهي وزير سان ملاقات ڪئي هئي، جنهن کانپوءِ نجلا منموش کي نه رڳو عهدو ڇڏڻو پيو پر ملڪ به ڇڏڻو پيو ۽ هاڻي ان جي جاچ ڪئي پئي وڃي.