پاڪستان ۾ افغان شهرين جو انگ 37 لک تائين پهچي ويو،13 لک 30 هزار رجسٽرڊ، 7 لک 75 هزار غير قانوني ترسيل

لاڳاپيل خبرون

آٽوميتڊ فيئر ڪليڪشن سسٽم لانچ، سنڌ سرڪار طرفان عوام جي لاءِ سبسڊي ڏني ويندي: شرجيل انعام ميمڻ

سينيٽ جي ڇهن سيٽن لاءِ ننڍي چونڊ، پ پ چار، ن ليگ ۽ جي يو آءِ هڪ، هڪ سيٽ کٽي ورتي

سنڌ ۾ امن امان جي صورتحال اطمنان جوڳي آهي ارسا جي چيئرمين جي مقرري تي خدشا هئا: وڏي وزير

اسلام آباد: (بيورو رپورٽ) پاڪستان لاڳيتو پناهگيرن جي ميزباني ڪندڙ دنيا جي سڀني کان وڏي ملڪن مان هڪ آهي جنهن سبب ملڪ ۾ رهائش اختيار ڪندڙ افغان شهرين جو انگ 37 لک تائين پهچي ويو آهي.  پاڪستان ۾ گذريل 40 سالن کان ڪيترن ئي غير قانوني افغان شهرين جي اچ وڃ جو سلسلو جاري آهي. گڏيل قومن جي هاءِ ڪمشنر جون 2023 تائين جي انگن اکرن موجب پاڪستان ۾ رهائش اختيار ڪندڙ افغان شهرين جو ٽوٽل انگ 37 لک آهي جنهن مان صرف 13 لک 30 هزار رجسٽرڊ آهن جڏهن ته 7 لک 75 هزار بنا ڪنهن لک پڙهه جي رهائش اختيار ڪري ويٺل آهن. اهڙي طرح 68.8 سيڪڙو افغان شهري پاڪستان جي شهري يا نيم شهري علائقن ۾ جڏهن ته 31.2 سيڪڙو ٻين 54 مختلف علائقن ۾ رهائش اختيار ڪري ويٺل آهن.جون 2023ع تائين جي انگن اکرن موجب پاڪستان ۾ رهائش اختيار ڪندڙ غيرقانوني افغان شهرين جو ٽوٽل انگ 42 لک 29 هزار 749 آهي جنهن مان 7 لک هڪ هزار 358(52.8 سيڪڙو) خيبرپختونخواهه، 3 لک 21 هزار 677(24.1) بلوچستان، هڪ لک 91 هزار 53(14.3 سيڪڙو) پنجاب، 73 هزار 789(5.5 سيڪڙو) سنڌ، 41 هزار 520(3.1 سيڪڙو) اسلام آباد ۽ 4352(0.3) سيڪڙو آزاد ڪشمير ۾ آهن. هينئر تائين 6 لک  نوان افغان پناهگير پاڪستان ۾ داخل ٿي چڪا آهن. ماضي جي تجربي تي جيڪڏهن هڪ نظر وڌي وڃي ته اسان کي خبر پوي ٿي ته افغان شهرين کي پاڪستان ۾ رهڻ جي جڳهه ڏئي پاڪستان  پنهنجو تمام گهڻو نقصان ڪيو آهي. غيرقانوني افغان شهرين اسان جي ملڪ جي معاشي ڍانچي ۾ خاموشي سان تبديليون ڪيون آهن جنهن ۾ ذڪر جوڳي مثال پرڏيهي ملڪن کان آندل مختلف شين کي پاڪستان جي مارڪيٽن ۾ پکيڙي پنهنجو ڪاروبار وڌائڻ ۽ ٽيڪس نه ڏيڻ شامل آهي. ان کان علاوه پاڪستان ۾ رهندڙ غيرقانوني افغان شهري ٽرانزٽ ٽريڊ جي آڙ ۾ منشيات ۽ ٻئي  غيرقانوني شين جي اسمگلنگ ۾ به ملوث آهن.