مديني جي رياست ٺاهڻ واري ملڪ معيشت کي تباهه ڪري ڇڏيو: مولانا فضل الرحمان

لاڳاپيل خبرون

آٽوميتڊ فيئر ڪليڪشن سسٽم لانچ، سنڌ سرڪار طرفان عوام جي لاءِ سبسڊي ڏني ويندي: شرجيل انعام ميمڻ

سينيٽ جي ڇهن سيٽن لاءِ ننڍي چونڊ، پ پ چار، ن ليگ ۽ جي يو آءِ هڪ، هڪ سيٽ کٽي ورتي

سنڌ ۾ امن امان جي صورتحال اطمنان جوڳي آهي ارسا جي چيئرمين جي مقرري تي خدشا هئا: وڏي وزير

فيصل آباد(م ڊ) جمعيت علماءِ اسلام (ف) جي امير مولانا فضل الرحمان جو چوڻ آهي ته مديني واري رياست ٺاهڻ وارو آيو  ۽ ملڪي معيشت 47هين نمبر تي هلي وئي، هاڻي سياستدان ۽ جنرل به زور ڏئي رهيا آهن پر ملڪ مشڪلاتن مان نڪري نه رهيو آهي.فيصل آباد ۾ ناموس رسالت ڪانفرنس کي خطاب ڪندي مولانا فضل الرحمان چيو ته ڪردار ۽ شڪل صورت ۾ حضرت محمد ﷺ جهڙو ٻيو ڪوبه پيدا ناهي ٿيو.هن چيو ته اسلام جي نالي تي حاصل ڪيل ملڪ ۾ ناحق رت وهايو پيو وڃي، انسانيت کي اڄ امن جي ضرورت آهي. دهشتگردن جي دهشتگردي جو مقصد عالمي سطح تي پاڪستان جي معيشت کي نقصان پهچائڻ آهي، آمريڪا پنهنجا هٿيار وڪڻڻ لاءِ جنگ مسلط ڪري اسان کي مارڪيٽ بڻائي ڇڏيو آهي.هن وڌيڪ چيو ته 2018ع ۾ ملڪ جي مجموعي ترقي جي شرح 6 سيڪڙو هئي پر جن ماڻهن مديني جي رياست جو نعرو بلند ڪيو انهن ان کي منفي صفر ڪري ڇڏيو ۽ اهي بندوقون کڻي، حملا ڪري دنيا کي ڪهڙو پيغام ڏيڻ چاهين ٿا؟ هن ماحول ۾ عبادت ڪندڙن تي حملو ڪيو؟ هتي سيڙپڪاري نه ڪريو هتي شيون سٺيون نه آهن.مولانا فضل الرحمان اڳوڻي وزيراعظم عمران خان تي تنقيد ڪندي چيو آهي ته هن ٽائيگرز ذريعي دفاعي ادارن تي حملا ڪيا، فتون فتون آهي، ڪڏهن چئي ٿو آمريڪا سازس ڪئي ، ڪڏهن چئي ٿو نه ڪئي، هن هڪ پيسي جي سرمايڪاري نه ڪئي، جيڪو هو هن اهو به ٻوڙي ڇڏيو، هاڻي سياستدان ۽ جنرل به ڌمڪيون ڏئي رهيا آهن پر ملڪ مشڪلاتن مان نڪري نه رهيو آهي، هاڻي چين ۽ سعودي عرب به چون ٿا ته جيڪڏهن وري ائين ٿيو ته اسان جا پئسا ٻڏي ويندا.ٻئي طرف ان ئي ڪانفرنس کي پنهنجي خطاب ۾ (ن) ليگ اڳواڻ راڻا ثناءُ الله چيو ته جيڪڏهن ڪنهن ڏوهه ڪيو آهي ته ان جو احتساب ٿيڻ گهرجي، ڪنهن کي به رعايت نه ملي سگهي ڇو ته هن کي اليڪشن وڙهڻي آهي، اسان جي اڳواڻن وٽ آهي. ملڪ کي ڊفالٽ ڪرڻ کان بچايو.