ملڪ دشمن پاڪستان ۾ امن ۽ ترقي کي ناڪام ڪرڻ چاهين ٿا: سرفراز بگٽي

لاڳاپيل خبرون

آٽوميتڊ فيئر ڪليڪشن سسٽم لانچ، سنڌ سرڪار طرفان عوام جي لاءِ سبسڊي ڏني ويندي: شرجيل انعام ميمڻ

سينيٽ جي ڇهن سيٽن لاءِ ننڍي چونڊ، پ پ چار، ن ليگ ۽ جي يو آءِ هڪ، هڪ سيٽ کٽي ورتي

سنڌ ۾ امن امان جي صورتحال اطمنان جوڳي آهي ارسا جي چيئرمين جي مقرري تي خدشا هئا: وڏي وزير

اسلام آباد (رپورٽر) نگران گهرو  وزير سرفرار بگٽي ميانوالي ۾ پوليس چيڪ پوسٽ تي دهشتگردي حملي جي سخت مزمت ڪندي چيو آهي ته پوليس اهلڪارن بهادري سان وڙهندي دهشتگردن جو حملو ناڪام بڻائي ڇڏيو. پنهنجي بيان ۾ گهرو وزير چيو ته پوليس جي  بهادر جوانن دهشتگردن کي جهنم اماڻي  ڇڏيو. هن چيو ته شهادت ماڻڻ تي پوليس اهلڪار  هارون خان  کي خراجي عقيدت پيش ڪيون ٿا. سرفراز بگٽي چيو ته شهيد هيڊ ڪانسٽيبل جي  بلند درجن لاءِ دعاگون آهيون. ڏک جي هن گهڙي ۾ شهيد جي گهرڀاتي سان گڏ بيٺا آهيون. گهرون وزير چيو ته دهشتگردن جون بزدلاڻيون ڪارروايون  اسان جا  حوصلا ڪمزور نٿيون ڪري سگهن. هن چيو ته ملڪ دشمن پاڪستان ۾ امن ۽ ترقي کي ناڪام ڪرڻ چاهين ٿا. دهشتگردي  جي خلاف جنگ ۾ پوليس ۽ قانون لاڳو ڪندڙ ادارن  جون قربانيون فراموش ڪرڻ جوڳيون ناهن.