اليڪشن ڪميشن جي هدايتن تي 50 کان وڌيڪ اڳوڻي وزيرن ۽ صلاحڪارن جي سڪيورٽي واپس

لاڳاپيل خبرون

آءِ ايم ايف پراپرٽي خريداري ٽيڪس ٻه سيڪڙو گهٽ ڪرڻ تي راضي،وڪرو ڪندڙن تي ود هولڊنگ ٽيڪس شرح برقرار

ايندڙ نسلن جي بقا لاءِ پاڻي جو ذميواري سان استعمال ڪرڻو پوندو: مريم نواز

گڏيل قومن موجب پاڪستان ايندڙ سال خشڪ سالي جو شڪار ٿيندو: شيري رحمان

اسلام آباد(بيورو رپورٽ)اليڪشن ڪميشن جي هدايتن تي سنڌ ۾ 50 کان وڌيڪ اڳوڻي وزيرن ۽ صلاحڪارن کي فراهم ڪيل سڪيورٽي واپس ورتي وئي.صوبي ۾ ٽن سياستدانن جي سيڪيورٽي سخت ڪئي وئي آهي.سنڌ ۾ اهڙا 11 سياستدان ۽ صلاحڪار به آهن، جن جي سيڪيورٽي نه ورتي وئي آهي پر آفيسرن ۽ گاڏين جو انگ گهٽايو ويو آهي، جڏهن ته انهن 11 ماڻهن مان 3 سياستدانن جي سڪيورٽي برقرار رکي وئي آهي.مليل ڄاڻ موجب پيپلز پارٽي جي اڳواڻ ۽ اڳوڻي وفاقي وزير ڊاڪٽر عاصم حسين جي سيڪيورٽي لاءِ 13 اهلڪار ۽ هڪ پوليس موبائيل مقرر ڪئي وئي هئي، هاڻي اهو انگ 5 ٿي ويو آهي.اهڙي طرح شهلا رضا جي 10 سڪيورٽي اهلڪارن کي گهٽائي 3 جڏهن ته امتياز شيخ جي 8 اهلڪارن کي گهٽائي 5 ڪيو ويو.نبيل گبول جي سڪيورٽي اهلڪارن جو انگ 5 مان گهٽائي 3 ڪيو ويو ۽ پوليس موبائل به واپس ورتي وئي.خورشيد شاهه، سيد نويد قمر ۽ مڪيش ڪمار چاولا جي سڪيورٽي ۽ پوليس موبائلون واپس ورتيون ويون آهن، عذرا فضل پيچوهو جي سڪيورٽي 10 اهلڪارن سان برقرار رکي وئي آهي.اهڙي طرح ايم ڪيو ايم پاڪستان جي اڳواڻ فروغ نسيم جي سڪيورٽي 6 اهلڪارن ۽ خواجه اظهار جي 4 اهلڪارن تي رکي وئي آهي، خالد مقبول صديقي جي سڪيورٽي 8 اهلڪارن مان گهٽائي 5 اهلڪار ڪئي وئي آهي، جڏهن ته صادق افتخار جي سڪيورٽي 9 اهلڪارن مان گهٽائي 5 اهلڪار ڪئي وئي آهي. عوامي نيشنل پارٽي جي اڳواڻ اڳوڻي سينيٽر شاهي سيد جي سيڪيورٽي اهلڪارن جو انگ 5 مان گهٽائي 4 ڪيو ويو آهي، پاڪستان تحريڪ انصاف جي اڳوڻي وفاقي وزير علي زيدي جي سيڪيورٽي تي مقرر 2 اهلڪار واپس ورتا ويا آهن.اليڪشن ڪميشن جي هدايتن تي 55 وزيرن ۽ صلاحڪارن جي سڪيورٽي واپس وٺي 200 کان وڌيڪ اهلڪارن کي واپس سيڪيورٽي زون ۾ موڪليو ويو.  موجوده سيڪيورٽي واپس وٺڻ جو حتمي فيصلو سنڌ پوليس ٿريٽ اسيسمينٽ ڪميٽي جي اجلاس بعد ڪيو ويندو.