نگران ناڻي واري وزير جي ايم ڊي آءِ ايم ايف سان ملاقات،معيشت بابت ڳالهيون

لاڳاپيل خبرون

آءِ ايم ايف پراپرٽي خريداري ٽيڪس ٻه سيڪڙو گهٽ ڪرڻ تي راضي،وڪرو ڪندڙن تي ود هولڊنگ ٽيڪس شرح برقرار

ايندڙ نسلن جي بقا لاءِ پاڻي جو ذميواري سان استعمال ڪرڻو پوندو: مريم نواز

گڏيل قومن موجب پاڪستان ايندڙ سال خشڪ سالي جو شڪار ٿيندو: شيري رحمان

مراڪش (ويب ڊيسڪ)نگران ناڻي واري وزير شمشاد اختر مراکش ۾ آءِ ايم ايف جي مئنيجنگ ڊائريڪٽر سان ملاقات ڪئي.ان حوالي سان ناڻي واري وزارت پاران ٻڌايو ويو آهي ته ايم ڊي آءِ ايم ايف جي اجلاس ۾ شمشاد اختر ۽ مختلف ملڪن جي ناڻي واري وزيرن شرڪت ڪئي.بيان موجب ملاقات ۾ عالمي معاشي مسئلن ۽ انهن جي حل لاءِ ڪوششن تي خيالن جي ڏي وٺ ڪئي وئي.بيان موجب نگران ناڻي واري وزير کي پاڪستان ۾ معاشي استحڪام لاءِ قدمن بابت بريفنگ ڏني وئي.ان کان علاوه شمشاد اختر مراکش ۾ عالمي ريٽنگ ايجنسين موڊيز ۽ سينڊر اينڊ پورز جي وفدن سان به ملاقاتون ڪيون آهن.ان دوران ناڻي واري وزير مثبت ريٽنگ ۽ سيڙپڪارن جي اعتماد کي برقرار رکڻ لاءِ شفافيت جي عزم کي ورجايو ۽ معاشي استحڪام، مالياتي گورننس ۾ بهتري ۽ سڌارن تي عملدرآمد کي يقيني بڻايو.