بيجنگ سان ڀائيواري مضبوط بڻائڻ جي عزم جو ورجايو ويو آهي: صدر

لاڳاپيل خبرون

آءِ ايم ايف پراپرٽي خريداري ٽيڪس ٻه سيڪڙو گهٽ ڪرڻ تي راضي،وڪرو ڪندڙن تي ود هولڊنگ ٽيڪس شرح برقرار

ايندڙ نسلن جي بقا لاءِ پاڻي جو ذميواري سان استعمال ڪرڻو پوندو: مريم نواز

گڏيل قومن موجب پاڪستان ايندڙ سال خشڪ سالي جو شڪار ٿيندو: شيري رحمان

اسلام آباد (مانيٽرنگ ڊيسڪ ) صدر آصف علي زرداري پنهنجي چيني هم منصب شي جِن پِنگ کي خط لکيو آهي جنهن ۾ بيجنگ سان ڀائيواري مضبوط بڻائڻ جي عزم جو ورجايو ويو آهي. ايوانِ صدر مان جاري ڪيل بيان موجب، صدر آصف علي زرداري جو چوڻ آهي ته پاڪستان ۽ چين جي مضبوط دوستي، علائقائي امن، استحڪام ۽ ترقي لاءِ اهم حثييت رکي ٿي. صدر پنهنجي خط ۾ چيو آهي ته پاڪستان ۽ چين سي پيڪ سميت ٻه طرفي سهڪار جي مختلف شعبن ۾ نمايان اڳڀرائي ڪئي ۽ صدر شي جن پنگ جي حمايت سي پيڪ جي ترقي لاءِ اڻٽر رهندي. خط جي متن موجب، تاريخ پاڪستان ۽ چين کي هڪ انوکي رشتي ۾ ڳنڍيو آهي، سمورن عالمي مسئلن تي گڏيل احترام، فهم ۽ خيالن سان پاڪستان ۽ چين لاڳاپا وڌيڪ مستحڪم ٿيا آهن.