صوبي جي سمورن ضلعن ۾ ترقياتي منصوبا شروع ڪيا ويندا: گنڊاپور

لاڳاپيل خبرون

آءِ ايم ايف پراپرٽي خريداري ٽيڪس ٻه سيڪڙو گهٽ ڪرڻ تي راضي،وڪرو ڪندڙن تي ود هولڊنگ ٽيڪس شرح برقرار

ايندڙ نسلن جي بقا لاءِ پاڻي جو ذميواري سان استعمال ڪرڻو پوندو: مريم نواز

گڏيل قومن موجب پاڪستان ايندڙ سال خشڪ سالي جو شڪار ٿيندو: شيري رحمان

ڊيرا اسماعيل خان: (ويب ڊيسڪ) خيبرپختونخواهه جي وڏي وزير علي امين خان گنڊاپور چيو آهي ته صوبي جي سمورن ضلعن ۾ هڪ جهڙي بنيادن تي ترقياتي منصوبا شروع ڪيا ويندا.علي امين خان گنڊاپور جي صدارت هيٺ ڊيرا اسماعيل خان ۾ ترقياتي منصوبن بابت اجلاس ٿيو جنهن ۾ اعليٰ اختيارين شرڪت ڪئي. اجلاس ۾ سالياني ترقياتي پروگرام جي تحت ڊيرا اسماعيل خان جي ترقياتي منصوبن جو تفصيلي جائزو ورتو ويو. بريفنگ ۾ ٻڌايو ويو ته صوبائي سالياني ترقياتي پروگرام جي جاري منصوبن جي تحت اهڙن شعبن ۾ ڊيرا اسماعيل خان ۾ 19 وڏن منصوبن تي ڪم جاري آهي، جنهن جي لاڳت 70 ارب روپيه آهي ۽ هلندڙ مالي سال جي بجيٽ ۾ 6.1 ارب روپيه مقرر ڪيا ويا آهن هينئر تائين 724 ملين روپيه جاري ڪيا ويا آهن.صوبائي سالياني ترقياتي پروگرام ۾ ڊيرا اسماعيل خان جا 25 نوان اهم منصوبا شامل ڪيا ويا آهن، اهڙن منصوبن جي ٽوٽل لاڳت 23.8 ارب روپيه آهي جنهن جي لاءِ هلندڙ مالي سال جي بجيٽ ۾ 1.4 ارب روپيه مقرر ڪيا ويا آهن.گومل زام ڊيم جي واٽر ڪورسز جي تعمير، ڊسٽرڪٽ ڊوالپمينٽ پلان ۽ راندين جا منصوبا به انهن ترجيحي منصوبن جو حصو آهن، فلائي اوورز جي تعمير لاءِ 357 ملين روپيه رليز ڪيا ويا آهن. ڪي پي ڪي جي وڏي وزير اهڙن منصوبن تي اڳڀرائي جي گڏيل صورتحال تي اطمينان جو اظهار ڪندي لاڳاپيل اختيارين کي عوامي فلاح وبهبود جي اهڙن منصوبن تي مقرر ٽائيم لائينز موجب عمل  يقيني بنائڻ جي هدايت ڪئي.وڏي وزير علي امين گنڊاپور چيو ته صوبي جي سمورن ضلعن ۾ هڪ جهڙن بنيادن تي ترقياتي منصوبا شروع ڪيا ويندا، ضم ٿيل ضلعن ۽ ٻين پوئتي پيل ضلعن کي ترقياتي منصوبن ۾ ترجيح ڏني ويندي، عوامي فلاح وبهود جي منصوبن ۾ غير ضروري دير کان پاسو ڪيو وڃي.