عمران خان جو سول نافرماني وارو سڏ بيوقوفي آهي، کيس ناڪامي ٿيندي: عطاءُالله تارڙ

لاڳاپيل خبرون

آءِ ايم ايف پراپرٽي خريداري ٽيڪس ٻه سيڪڙو گهٽ ڪرڻ تي راضي،وڪرو ڪندڙن تي ود هولڊنگ ٽيڪس شرح برقرار

ايندڙ نسلن جي بقا لاءِ پاڻي جو ذميواري سان استعمال ڪرڻو پوندو: مريم نواز

گڏيل قومن موجب پاڪستان ايندڙ سال خشڪ سالي جو شڪار ٿيندو: شيري رحمان

لاهور: (ويب ڊيسڪ) اطلاعات واري وفاقي وزير عطاءُالله تارڙ چيو آهي ته پي ٽي آءِ باني عمران خان جو سول نافرماني وارو سڏ بيوقوفي آهي، انهي جو سول نافرماني وارو سڏ ناڪام ٿيندو.لاهور ۾ ڪرسمس تقريب کي خطاب ڪندي اطلاعات ۽ نشريات واري وفاقي وزير عطاءُالله تارڙ چيو آهي ته اقليتن جي حقن جو تحفظ منهنجي مٿان وڌيڪ لازمي آهي. اسان ڪرسمس کي ڀرپور طريقي سان ملهائينداسين، ڪرسچن ڪميونٽي جي هر خوشي ۽ ڏک ۾ گڏ بيٺل آهيان، ڪرسچن ڪميونٽي دنيا جا بهترين فائٽر پائليٽ پيدا ڪيا، سموري ڪميونيٽيز هن ملڪ لاءِ ڪردار  ادا ڪري رهيون آهن.هن چيو ته اسان کي ظلم، تشدد ۽ نفرت جي خلاف آواز اٿارڻ گهرجي، پاڪستان الله جي وڏي نعمت آهي، اسان کي جيڪي به نعمتون حاصل آهن اهي هن ملڪ جي بدولت آهن، هن ملڪ ۾ هاڻ تشدد ۽ انتشار نٿو ٿي سگهي، جتي به تشدد ۽ انتشار هوندو اتي اسان فولادي ڀت جيان بيٺل هونداسين.عطاءُالله تارڙ چيو ته هي ملڪ آهي ته سياست ۽ وزارتون به آهن، اسان ملڪ جي مفاد  لاءِ شين کي اڳيان کڻي وڃڻو آهي، پرڏيهي سرمائيڪاري وڌي رهي آهي، انٽرسٽ ريٽ 15 سيڪڙو ۽ مهانگائي 4.8 سيڪڙو تي آهي، مهانگائي 2018 کان پوءِ سڀني کان گهٽ سطح تي پهتي آهي.ليگي اڳواڻ چيو ته عوام نافرماني ۽ تشدد جي سياست کي رد ڪري ڇڏيو آهي. ڪوڙا بيان ڏنا پيا وڃن، لاشن جي سياست ڪئي پي وڃي، پڇڻ چاهيان ٿو ته اوهان ڀڳا ڇو؟ بيٺل هجو ها، اوهان ننڍپڻ کان ئي نافرمان هو، اوهان هاڻ سول نافرماني ڪريو يا جيڪو اوهان جو دل ڪري ڪريو اها هاڻ اوهان جي پنهنجي مرضي آهي، عوام اوهان کي رد ڪري ڇڏيو آهي.هن چيو ته عوام مسئلن جو حل چاهي ٿي، ماڻهو اهو نٿا چاهين ٿا ته ڌرڻا شروع ڪري ڇڏيو، هاڻ اوهان جي مرضي آهي جيڪو وڻي اهو ڪريو هاڻ اوهان  کي ڪجهه به حاصل نه ٿيندو، اوهان ميدان ڇڏي ڀڳا آهيو، لطيف کوسي کي هاڻ آرام ڪرڻ گهرجي، انهي جي سياست جي هاڻ عمر نه رهي آهي.وفاقي وزير چيو ته هي لاشن جي سياست ڪري رهيا آهن، اصل وڊيو سامهون آڻين ها ته ڪوڙي غزه ۽ فلسطين جي وڊيوز جو کين سهارو نه وٺڻو پوي ها، هي صرف انتشار چاهين ٿا جنهن  جي ڪنهن به صورت ۾ اجازت نه ڏني ويندي، دهشتگردي جي خلاف نيشنل ايڪشن پلان تي عمل ٿي رهيو آهي.عطاءُالله تارڙ وڌيڪ چيو ته خيبرپختونخواهه جي حڪومت صوبي ۾ امن امان جي معاملي تي سنجيده نه آهي، ڪرم  ۾ لاش ڪريا، ٻيا معاملا ٿيا، ڪي پي ڪي حڪومت جو امن امان طرف ڌيان نه آهي، هي صرف ڪوڙن بيانن تي سمورا پئسا لڳائي رهيا آهن، دهشتگردي جي خلاف جيڪو ڪجهه به ٿي سگهيو وفاقي حڪومت ڪندي.